Bli med og skap noko meiningsfullt i produksjonen vår!

Stillingsutlysning: Produksjonsmedarbeidar med rettleiingsansvar – ein moglegheit til å gjere ein forskjell!

Kveik web mediesmio sverrehjornevik 7092

Er du ein handy problemløysar med godt humør og eit hjarte for menneske? Har du sans for praktisk arbeid og likar å bidra til at andre lykkast? Då kan dette vera di neste utfordring!

Kveik formidling AS på Voss treng DEG som kan vera med å løfte produksjonen vår samtidig som du rettleier menneske med ulike funksjonsvariasjonar i arbeidskvardagen sin. Dette er eit arbeid med meining, utvikling og mykje glede. 

Me er ei arbeid- og inkluderingsverksemd som skal setje menneske i stand til å koma inn i arbeidslivet, gå attende til arbeidslivet eller tilby tilrettelagte løysingar. Me har no ledig ei 100 % stilling som produksjonsmedarbeidar med rettleiingsansvar i vår avdeling for tilrettelagt arbeid. Her har me 27 tiltaksplassar for menneske som er uføretrygda og som ynskjer ein tilrettelagt og meiningsfull arbeidskvardag. Me er ei bedrift i utvikling og jobbar heile tida med å skape gode arbeidsarenaer for våre arbeidstakarar.

🎯 Kva skal du gjera?

  • Jobba saman med arbeidstakarane våre i praktisk arbeid som trearbeid, vedproduksjon, servicetenester som plenslått, reinhald av avfallsrom i burettslag og vedlikehaldsarbeid på eige utstyr og eigedom.
  • Tilrettelegge for og rettleie menneske med ulike funksjonsvariasjonar
  • Kvalitetssikre arbeidsoppgåver
  • Skape struktur og meistring for våre arbeidstakarar
  • Planlegge kvardagen og sørgje for god logistikk i produksjonen
  • Samarbeide tett med eit engasjert og tverrfagleg team, og eventuelt med bolig, aktuelt støtteapparat og pårørande
  • Kontakt med kundar og samarbeidspartar knytt til arbeidsoppgåver

🙋 Me ser etter DEG som...

  • Har erfaring med praktisk arbeid og er handy – har du utdanning innan yrkesfag er dette flott, men ikkje eit krav!
  • Har ro, tryggleik og toleranse i møte med menneske som treng ekstra støtte, og som kan motivere samtidig som du set grenser
  • Evnar å sjå moglegheiter og ressursar hos andre menneske
  • Elskar struktur og har auge for god planlegging og logistikk
  • Har godt humør og får folk rundt deg til å trivast
  • Jobbar sjølvstendig og får ting gjort – men likar og å samarbeide
  • Er fleksibel, løysingsorientert og tør å prøve nye ting

📌 Du bør også ha:

  • Gjerne erfaring frå arbeid med menneske med ulike funksjonsvariasjonar
  • Generell datakunnskap
  • Førarkort klasse B (må ha!)

🎁 Me tilbyr deg:

  • Eit meiningsfylt arbeid i eit miljø med mykje latter og varme
  • Ein variert og aktiv kvardag – ingen dagar er like!
  • Moglegheit til å bruke kreativiteten din kvar einaste dag
  • Tverrfagleg samarbeid og god støtte frå erfarne kollegaer
  • Kompetanseheving og utvikling – du får vekse med oss!
  • Løn etter avtale og gode ordningar

Me ynskjer mangfald både når det gjeld alder, kjønn, etnisk bakgrunn, kompetanse og erfaring. Me oppfordrar spesielt menn til å søkje, då me ynskjer ein betre kjønnsbalanse i avdelinga. Personlege egenskapar blir tillagt stor vekt. 

💌 Høyres dette ut som deg?

Send søknad og CV til: firmapost@kveikarbeidsliv.no
Søknadsfrist: 15.08.25

Har du spørsmål? Ring dagleg leiar Turid Midthun på tlf. 414 17 610.

👉 Me gler oss til å høyre frå DEG!

Neste
Denne nettsiden er laget av Mediesmio og Vasser AS